சில வியப்புகள்

சில வியப்புகள் 

சேத்தன் பகத் எழுதிய 'ஒன் இந்தியன் கேர்ள்' என்னும் புத்தகத்தை சமீபத்தில்தான் படித்து முடித்தேன். அதில் சி.பி. இப்போது கையாண்டிருக்கும் விஷயத்தை (ஒரு கதாநாயகி மூன்று கதா நாயகர்கள்)  நம் கே.பி. எழுபதுகளிலேயே அவர்கள் படத்தில் கையாண்டிருக்கிறாரே என்ற வியப்பு.

மற்றொரு வியப்பு கலைஞர்!  என்னதான் மருத்துவ முன்னேற்றத்தின் உதவி இருந்தாலும்  அவருடைய போராட்டம் வியக்க வைக்கிறது.   கலைஞரின்  பேச்சாற்றலும் நகைச்சுவை உணர்ச்சியும் பலரும் அறிந்ததுதான். அவரது நகைச்சுவை உணர்வு குறித்து யூ டியூபில் வலம் வந்து கொண்டிருக்கும் ஒரு செய்தி: முன்பு ஒரு முறை இதே காவேரி மருத்துவமனையில் உடல் நலக் குறைவால் அனுமதிக்கப் பட்டபொழுது அவரை பரிசோதித்த மருத்துவர்,"மூச்சை இழுத்து பிடியுங்கள்" என்றாராம், அதன்படி செய்திருக்கிறார் கலைஞர். கொஞ்சம் கழித்து,"மூச்சை விடுங்கள்" என்று மருத்துவர் சொன்னதும், "மூச்சை விட்டு விடக்கூடாது என்பதற்காகத்தானே மருத்துவமனைக்கு வந்துள்ளேன்" என்றாராம்.  என்ன சாதுர்யம்!

இரண்டு நாட்களுக்கு முன்னர்  வெளியே செல்லும் வேலை இருந்ததால், கார் ஓட்ட டிரைவரை அழைத்திருந்தோம். வந்த ஓட்டுனர், மழு மழுவென்று க்ஷேவ் செய்யப்பட்ட முகம், டக் இன் செய்யப்பட்ட சட்டை, டிப் டாப்பாக உடை அணிந்து, தெளிவான தவறில்லாத ஆங்கிலம் பேசினார். விசாரித்ததில் அவர் ஒரு தனியார் வங்கியில் விற்பனை பிரிவில் டீம் லீடர் என்றும், கால் டிரைவராக இருப்பது பகுதி நேரப் பணி என்றும் கூறினார். அவருடைய சம்பளத்தில் பெரும்பகுதி வீட்டுக் கடன் அடைக்க போய் விடுகிறதாம். அதனால் இந்த பகுதி நேரப் பணி என்றார். கொஞ்சம் பரிதாபம், கொஞ்சம் வியப்பு இரண்டும் கலந்த உணர்வு தோன்றியது.