மசாலா சாட் -18

மசாலா சாட் - 18 

என் மகள் ஒப்போஸ்(OPOS) குக்கிங் பற்றி ரொம்ப சொன்னாளே என்று அதைப் பற்றி யூ டியூபில் தேடினேன். முதலில் சிம்பிளாக ஏதாவது செய்து பார்க்கலாம் என்று தேடியதில் இஞ்சி பூண்டு விழுது செய்முறை கண்ணில் பட்டது.

இதற்கு 2 லிட்டர் குக்கர்தான் வேண்டுமாம். அது இருக்கிறது. இஞ்சி,    பூண்டு இரண்டுமே இருந்தன. 

இஞ்சியும், பூண்டும் சம அளவு எடுத்துக் கொள்ள வேண்டும் என்று போட்டிருந்தார்கள். இரண்டும் தலா ஒரு கப் எடுத்துக் கொள்ளலாம் என்று முடிவு செய்தேன். ஆனால் பூண்டு உரிப்பது  மிகவும் கஷ்டமாக இருந்தது. பூண்டு சிறியது, கை நகத்தை வேறு வெட்டி விட்டதால் உரிக்கும் பொழுது நகக்கணுக்கள்  ஆரம்பித்து விட்டன. பிறகு மைக்ரோ வேவ் அவனில் சற்று நேரம் வைத்து எடுத்ததும் ஈசியாக உரிக்க வந்தது. ஒரு வழியாக உரித்து, அதே அளவு இஞ்சிக்கு தோலை சீவி, குக்கரில் ஒரு டீ ஸ்பூன் எண்ணெய், ஒரு டீ ஸ்பூன் தண்ணீர் சேர்த்து நன்கு கலக்கி கொண்டு, குக்கரில் இஞ்சியை ஒரு பாதியிலும், பூண்டை மற்றொரு பாதி இடத்திலும் போட்டு அடுப்பை பெரிதாக எரிய விட வேண்டும். அதாவது flame,  குக்கரின் அடி பாகம் முழுவதையும் கவர் செய்ய வேண்டும். பக்கவாட்டு பகுதிகளையும் கவர் செய்தால் அடுப்பை தணிக்கவும். இப்படி மூன்று நிமிடங்களுக்கு சமைக்கவும். அவர்கள் ஆறு விசில் என்று போட்டிருந்தார்கள்,ஆனால் என்னுடைய குக்கரில் மூன்று நிமிடத்தில் எட்டு விசில்கள் வந்தன. இந்த ஓபோஸ் குக்கிங்கில் நேரம் முக்கியம்.  மூன்று நிமிடங்களுக்குப் பிறகு அடுப்பை அணைத்து விட்டு. சற்று,நேரம் கழித்து குக்கரை திறந்து, இஞ்சி,பூண்டு ஆறும் வரை காத்திருந்து, பின்னர் மிக்ஸியில் அரைத்து, அந்த விழுதை ஒரு காற்று புகாத பாட்டிலில் எடுத்து வைத்துக் கொள்ள வேண்டும். இது இரண்டு மாதங்கள் வரை கெட்டுப் போகாதாம். எல்லாவற்றிர்க்குமாக மொத்தமாக இருபது நிமிடங்கள் ஆகி விட்டது. இதை சாதாரண முறையில் செய்திருந்தாலும் இதே நேரம்தான் ஆகியிருக்கும். மாரல் ஆஃப் த ஸ்டோரி அல்ப விஷயங்களுக்கு ஓபோஸ் குக்கிங் தேவையில்லை. ஏனென்றால் அந்த முறையின் நோக்கம் நேரத்தை மிச்சப்படுத்துவது. அடுத்த முறை ஏதாவது கடினமான ரெசிபியை ஒப்போஸ் முறையில் சுலபமாக செய்து பதிவிடுகிறேன்.

என் அக்கா பெண் வீட்டில் அவர்களின் செல்லம் டெக்ஸ்டரின் பிறந்தநாளை சிறப்பாக கொண்டாடியிருக்கிறார்கள். உங்கள் பார்வைக்கு: